Deputetët e Kuvendit të Kosovës do të mblidhen sot sërish.

Deputetët e dalë nga zgjedhjet e 9 shkurtit, do të mblidhen sot për të 25 herë me radhë në përpjekje për të konstituar Kuvendin e Kosovës.

Kësisoj të njëjtit do të tentojnë që të arrijnë zhbllokimin e ngërçit të krijuar tash e sa muaj në kuadër të institucioneve të vendit.

Lëvizja Vetëvendosje si parti fituese si fillim nxori deputeten Albulena Haxhiu si kandidate për kryekuvendare, por e njëjta dështoi disa herë radhazi që të zgjidhet.

Ajo mori veç 57 vota e që ishin të pamjaftueshme.

Pas kësaj, Vetëvendosje tentoi që të ndryshojë mënyrën e votimit duke kërkuar nga partitë politike që të propozojnë emra për komision të fshehtë të votimit.

Por nga partitë e tjera politike vendosën që të mos përkrahin një ndryshim kaq të papritur sa i përket votimit.

24 seanca u mbajtën- por secila prej tyre ishte e dështuar sa i përket mundësisë së zyrtarizmit të kryetarit të kuvendit e më pas të kalimit edhe tek formimi i qeverisë së re.

Situata vazhdon të jetë e njëjtë- e bllokuar dhe me gjasë kësisoj do të mbete edhe pas seancës së sotme./Lajmi.net/