Sara Hoxha, një nga emrat më të përmendur në titujt rozë ditët e fundit, po qëndron sërish në qendër të vëmendjes. Pas spekulimeve të shumta për një lidhje të mundshme me Erik Fullanin, duket se zërat po bëhen gjithnjë e më të zëshëm.

Gjithçka nisi gjatë pushimeve të fundit, kur të dy u kapën “në të njëjtin resort”. Mediat nisën menjëherë raportimet për një romancë të re të ish-partneres së reperit Ledri Vula. As Sara dhe as Eriku nuk kanë dalë publikisht për të pranuar ose mohuar lidhjen, por veprimet e tyre flasin më shumë se fjalët.

Të premten në pasdite, të ftuar në ditëlindjen e djalit të aktores Olta Gixhari, Sara Hoxha dhe Erik Fullani u panë sërish bashkë. Edhe pse mbërritën të ndarë në event, gjatë festës private ata ishin të dy në festë, duke ndezur sërish dyshimet për një marrëdhënie romantike që po konsolidohet në heshtje.

A ishte kjo një dalje publike e menduar mirë apo thjesht një rastësi që forcon spekulimet? Deri tani, përgjigjja mbetet pezull. Por me çdo paraqitje të re, Sara dhe Eriku shtojnë interesin rreth tyre, dhe ndoshta, po ndërtojnë rrëfimin e një lidhjeje të re në sytë e publikut.