Sipas një njoftimi të kësaj sindikate veturat e mediumit publik nuk po mund të regjistrohen për shkak të borxhit të tatimit në pronë që ka RTK.

Ky borxh kap shumën prej 27 mijë euro.

“Veturat zyrtare të RTK-së ka disa muaj që kanë mbetur të paregjistruara për shkak të mospërmbushjes së obligimeve të RTK-së ndaj tatimit në pronë”, thuhet në komunikatë sipas së cilës një gjë e tillë po e pengon mbarëvajtjen e punës së punëtorëve të RTK-së.

“Sindikata e RTK-së ka arritur ta kuptojë se vlera e përgjithshme e tatimit në pronë të papaguar nga RTK arrin shifrën 27 mijë euro”.