Korporata Energjetike e Kosovës ka njoftuar se Njësia A5 është ndalur rreth orës 20:25 për shkak të një rrjedhjeje të evidentuar në sistemin gypor në kuotën 10–15 metra.

Deputetja e LDK-së, Janina Ymeri, ka reaguar duke theksuar se pas ndaljes së bllokut A5, Kosova duhet të blejë minimalisht 200 mijë euro rrymë brenda 24 orëve.

Sipas saj, para ndaljes, blloku A5 prodhonte të paktën 125 MWh. Me çmimet e bursave për ditën e nesërme – 68 euro në Alpex dhe 145 euro në Hupx – kjo do të detyrojë vendin të bëjë blerje minimale prej 200,000 eurosh.

Ymeri shton se kjo situatë nxjerr në pah nevojën për përmirësime të urgjenta në sektorin energjetik dhe kujdes për investime në kapacitetet ekzistuese, ndërkohë që problemet si ato në QKUK mbeten të pazgjidhura dhe rritin rrezikun e kostove të larta në të ardhmen. /Lajmi.net/