Gjatë përplasjes së një helikopteri të ushtrisë afgane i cili është rrëzuar në jug të vendit, kanë mbetur të vdekur 17 njerëz, duke përfshirë pesë anëtarët të ekuipazhit, ka bërë të ditur policia afgane, transmeton lajmi.net.

Shefi i policisë në provincën Zabuk, Mirvajz Norzaj ka deklaruar se helikopteri i ushtrisë kombëtare afgane është rrëzuar sot në mëngjes në një zonë të largët të provincës.

Sipas tij, shkaku i aksidentit është i panjohur por pranoi se është duke u hetuar ky rast, shkruan AP. Ndërkaq është bërë e ditur se në këtë aksident kanë vdekur pesë anëtarë të ekuipazhit dhe 12 ushtarë.