Policët kanë paralajmëruar përdoruesit e telefonit që të heqin menjëherë tetë aplikacione nga pajisjet e tyre – përfshirë programet e përdorura për sfondin e ekranit dhe mesazhet nga frika e një programi të rrezikshëm ‘Joker’.

‘Joker’ mund të shkaktojë kaos në çdo pajisje që infekton dhe mund të ketë qasje në shumë informacione private, përfshirë mesazhet me tekst dhe kontaktet.

Por kërcënimi kryesor i tij është financiar. Telefonat me virus mund të abonohen në faqet e internetit që paguajnë një tarifë abonimi.

Google ka fshirë 8 aplikacionet nga Play Store, Auxiliary Message, Element Scanner, Fast Magic SMS, Free CamScanner, Go Messages, Super Message, Great SMS dhe Travel Wallpapers.

Në një postim në llogarinë zyrtare, policia belge paralajmëroi: “Virusi ‘Joker’ është kthyer në mjedisin Android.

Ky virus ka përfshirë tetë aplikacione nga ‘Play Store’, të cilat ndërkohë janë fshirë nga Google, por nëse keni ndonjë prej tyre të instaluar, hiqeni sa më shpejt të jetë e mundur.

Ky softuer i rrezikshëm u shfaq për herë të parë në vitin 2019, por ekspertët kanë paralajmëruar përdoruesit e telefonit që të jenë të vëmendshëm, pasi po kthehet në shkatërrues.

Zimperium, një kompani e sigurisë celulare, thotë se ka parë mbi 1.000 mostra të reja të ‘Joker’, që nga raporti i tij i fundit mbi problemin në vitin 2020.

Kriminelët kibernetikë, gjithmonë përshtaten për të gjetur mënyra të reja për të infiltruar histori me virusin e tyre. /Lajmi.net/