Për rreth një javë në Gjilan janë gjobitur mbi 1 mijë qytetarë.

Policia e Kosovës ka bërë ët ditur se nga e premtja e kaluar në Gjilan janë gjobitur 1 mijë e 497 drejtues të automjeteve.

Gjatë kësaj periudhe theksohet se u hetuan 12 aksidente me të lëndaur dhe 10 të tjerë me dëme materiale.

Kurse patentë-shoferi iu mor 13 ngasësve, gjatë ditëve të lartcekura.

“Me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, të përshtatin ngasjen dhe shpejtësinë me kushtet e rrugës. Siguria në trafik është përgjegjësi e përbashkët dhe kërkon angazhimin e të gjithëve”, shkruan në komunikatë./Lajmi.net/