“U hodha jashtë në sekondën e fundit kur ndërtesa u shemb”, ka thënë Soysal.

“Aty ishte një grua më e moshuar, por ne e shpëtuam atë. Në ndërtesën afër tonës po provojnë akoma të nxjerrin njerëz nga brenda”, ka shtuar ai.

Një tërmet me magnitudë 7.0 shkallë të Rihterit e ka goditur detin Egje dhe dridhjet kanë shkaktuar dëme të mëdha në Turqi dhe në Greqi.

Së paku tetë persona kanë vdekur në Turqi dhe Greqi, si pasojë e tërmetit.

Dëmet më të mëdha janë bërë në qytetin e Izmirit në Turqi. Raportohet se rreth 20 ndërtesa janë shkatërruar, po ashtu veturat kanë goditur njerëz nëpër qytet.

Tërmeti ka shkaktuar dëme edhe në ishullin grek Samos në detin Egje.