Një përleshje fizike raportohet të ketë ndodhur dje në Vushtrri.

Pas një mosmarrëveshje janë rrahur mes vete katër të dyshuar meshkuj. Njëri prej tyre dyshohet se gjatë mosmarrëveshjes shtiu edhe me armë zjarri.

“Në vendin e ngjarjes si prova materiale janë gjetur dhe konfiskuar dy gëzhoja dhe një shkop bejsbolli. Lidhur me rastin katër të dyshuarit janë shoqëruar në polici, ku nga njëri prej tyre është konfiskuar një pistoletë e cila dyshohet të jetë përdorur në rast”, thuhet në njoftimin e policisë.

Pas intervistimit me vendim të prokurorit njëri nga ta është arrestuar dhe dërguar në mbajtje, ndërsa tre të tjerët janë liruar në procedurë të rregullt. /Lajmi.net/