Fury, pasi ka fituar titullin e WBC, po lidhet me një duel të mundshëm me Anthony Joshua, për unifikimin e titujve.

Para një dueli të tillë, Roy Jones JR (ish kampion në boks) ka dhënë disa këshilla për Fury, si dhe ka bërë parashikimin e tij për fituesin e një dueli të mundshëm.

“Është një duel i vështirë, krejt varet nga ajo se si shfaqet Tyson Fury. Kjo është çfarë duhet shpresuar, kjo është ajo që duhet shpresuar se ai ka frikë. Dhe shpresoj se Tyson Fury po e dëgjon këtë: Mos bëj gabimin që bëre pasi mposhte Klitschko” ka thënë Jones, transmeton lajmi.net.

“Sepse, nëse ai bën atë gabim, AJ do ta mposhtë. Në të njëjtën kohë, nëse Tyson Fury vjen me luftën e njëjtë dhe dëshirën që ai kishte për ta mposhtur Wilder, atëherë do të jetë e vështirë për AJ” shtoi Roy Jones JR.

Dueli mes Fury dhe Joshua varët shumë edhe nga ajo se a do ta aktivizojë Deontay Wilder klauzolën për revanshin. /Lajmi.net/