Në prag të Vitit të Ri, banorët e Big Brother VIP Kosova të cilët po qëndrojnë mbyllur tash e 2 muaj, kanë shprehur dëshirat e tyre për vitin që po vjen.

Një nga momentet më të veçanta ishte ai i Rovenës, e cila, përmes një deklarate të sinqertë, preku zemrat e publikut.

Rovena i kërkoi falje prindërve të saj për faktin se ende nuk u ka dhuruar gëzimin e të qenit gjyshër. “E ndjej si një peng të madh që deri tani nuk kam mundur t’ju sjell këtë lumturi,” tha ajo me zë të emocionuar, ndërsa ndau edhe dëshirën e saj më të madhe për vitin 2025: të bëhet nënë.

Kjo dëshirë, e shprehur me aq shumë përulësi dhe dashuri, jo vetëm që pasqyroi një anë tjetër të personalitetit të Rovenës, por gjithashtu i dha një mesazh të fortë publikut për rëndësinë e familjes dhe ëndrrave të sinqerta që na bashkojnë.

Shtëpia e Big Brother vazhdon të jetë jo vetëm një arenë lojërash dhe sfidash, por edhe një vend ku emocionet e vërteta dhe dëshirat më intime dalin në pah.