Ylli i Real Madridit, Cristiano Ronaldo nuk brengoset shumë për eliminimin nga Copa del Rey pas humbjes me rezultat të përgjithshëm 4:2 nga rivali i qytetit, Atletico Madrid.

Madje, ai tashmë ka në mendje hakmarrjen ndaj kampionit në fuqi të La Ligës.

“Besoj se 2015 do të jetë më ndryshe, do të fitojmë La Ligën në Vicente Calderon”, deklaroi Ronaldo para mediave.

“Në emër të ekipit, kërkoj falje. Përkrahja ka qenë e jashtëzakonshme dhe vazhdoi për gjithë ndeshjen. Por, tani kemi detyra të tjera në La Ligë dhe Ligën e Kampionëve. Nuk dua të them se nuk e deshëm Copa del Reyn, synuam kualifikimin e mëtutjeshëm, por na kanë mbetur edhe dy gara të rëndësishme”, u shpreh ai.