Roma dhe Borussia Monchengladbach kanë barazuar 1:1 në sfidën e fazës së grupeve të Ligës së Evropës.

Mysafirët gjermanë arritën barazimin në minutën e 95’ të ndeshjes, duke shënuar nga pika e bardh e penalltisë, e cila në të vërtetë nuk ekzistoi.

Gjyqtari i ndeshjes akordoi penallti për Monchengladbach, në një rast topi goditi Smallingun në fytyrë, dhe jo siç pretendohej, në dorë.

“Menaxhmenti i Romës ka folur me zyrtarët e ndeshjes pas sfidës dhe ata pranuan se vendimi për dhënien e penalltisë ishte një gabim”, thuhet në njoftimin e skuadrës italiane, përcjell lajmi.net.

“Ne i respektojmë dhe falënderojmë për ndershmërinë e tyre të vërtetë dhe tani përqendrohemi në ndeshjen tjetër”./Lajmi.net/