Ambasadori i Gjermanisë në Kosovë, Jorn Rohde ka vazhduar takimet me krerët e partive politike.

Rohde u takua gjatë ditëve të fundit me liderët e vendit si: Abdixhiku, Kurti, Krasniqi e Haradinaj me të cilët bisedoi rreth procesit zgjedhor.

Pas përfundimit të ciklit të takimeve, Rohde deklaroi se Gjermania do të vazhdojë partneritetin e ngushtë me çdo qeveri të ardhshme të Kosovës.

“Ditët e fundit jam takuar me krerët e partive politike që konkurrojnë për zgjedhjet e ardhshme në Kosovë. Zgjedhjet demokratike dhe pluraliteti i partive janë kyçe për demokracitë tona. Gjermania do të vazhdojë partneritetin e saj të ngushtë me çdo qeveri të ardhshme kosovare”, shkroi Rohde.

In recent days, I met with heads of political parties running for the upcoming Kosovar elections.
Democratic elections and the plurality of parties are key for our democracies.
Germany will continue its close partnership with any future Kosovar government.
🇩🇪🤝🇽🇰 pic.twitter.com/PJOGXAG5mr

— Ambassador Jörn Rohde (@GermanAmbKOS) February 5, 2025

Kujtojmë që zgjedhjet parlamentare në Kosovë do mbahen këtë të diel me datën 9 shkurt./Lajmi.net/