Rita Ora dukej si kukull gjatë evenimentit ‘BRIT Awards 2014’, që u mbajt të mërkurën mbrëma.

Këngëtarja shqiptare u shoqërua nga i dashuri i saj, Calvin Harris, në London’s O2 Arena, duke u ndalur për disa fotografi në qilimin e kuq.

23 vjeçarja e kishte veshur një fustan të verdhë, i cili i rrinte për mrekulli, ndërsa nuk i mungoi as buzëqeshja e ëmbël.

Edhe DJ skocez dukej mjaft elegant dhe çifti përshtatej shumë njëri me tjetrin, në spektaklin e përvitshëm. Rita u bashkua me të dashurin pas një periudhe të shkurtër ndarjeje.