Seanca konstitutive e kuvendit pritet që të fillojë pas pak. Tashmë deputetët e partive politike veçse kanë filluar të zënë vendet e tyre në sallë.

E deputeti i zgjedhur nga Lëvizja Vetëvndosje, Arbër Rexhaj ka folur para mediave para se të hynte brenda hollit të kuvendit.

Rexhaj është shprehur se tashmë i kanë votat për zgjedhjen e kryeparlamentarit dhe të qeverisë së re.

Ndryshe siç thotë ai ajo se çfarë është e nevojshme, Kurti do ta shpalosë para qytetarëve në formën më transparente të mundshme.

“Unë mendoj që Lëvizja Vetëvendosje – mbi bazën e diskutimeve që i kemi pasur në grupin parlamentar – i kemi numrat për ta bërë këtë gjë. Tashti është çështje që i takon edhe kryeministrit, qoftë emri i kryeparlamentarit – se e di që do të më pyesni – qoftë përbërjen e kabinetit qeveritar”, tha ai, duke shtuar se Albin Kurti “do ta shpalosë para qytetarëve në formën më transparente të mundshme”, ka thënë Rexhaj.

“Zyrtarisht nuk kemi asgjë. Ata që thonë që kemi, nuk është e vërtetë”, theksoi ai.

Ndërkaq edhe Vetëvendosje ka zhvilluar një takim të grupit parlamentar para fillimit të seancës. /Lajmi.net/