Reshjet e shiut, përfshihen nga uji disa shtëpi në Drenas

Lajme

11/02/2021 10:25

Përmes një postimi në Facebook, komuna bën të ditur se në fshatin Shtrubullovë, shumë shtëpi banimi janë përfshirë nga uji.

Po ashtu bëhet e ditur se ekipet përkatëse emergjente janë të njoftuara për gjendjen dhe janë në teren, te gatshëm për intervenime, përcjell lajmi.net

Postimi i plotë:

Njoftim për qytetarët e Komunës së Drenasit

Komuna e Drenasit kërkon nga qytetarët të kenë kujdes për shkak të nivelit të ngritur të ujit në disa zona nga reshjet e shiut.

Ekipet përkatëse emergjente janë të njoftuara për gjendjen dhe janë në teren, te gatshëm për intervenime.

Rruga Drenas-Dobroshec, përkatësisht te ‘Guri i Plakës’, është thuajse e pakalueshme me tendenca të mbylljes. Ndërsa, edhe në Shtrubullovë, shumë shtëpi banimi janë përfshirë nga uji.

Për çdo emergjencë që keni, ju lutem lajmërohuni te Zyrtari për Emergjencë, në numrin e telefonit 049978948. /Lajmi.net/