Reali pasurohet në Evropë
Real Madrid ka arritur sukses të konsiderueshëm në periudhën e fundit duke fituar Ligën e Kampionëve dhe Superkupën e Evropës. Kjo ka pasuruar arkën e klubit.
Sport
Real Madrid përveç se ka fituar tituj në periudhën e fundit, ka arritur që të shtojë dukshëm të hyrat në anën financiare.
Me Superkupën e fituar në Cardiff, Los Blancos kanë marrë tre milionë euro.
Por, kjo shifër i shtohet 37.4 milionë eurove të përfituara në edicionin e shkuar të Ligës së Kampionëve ku skuadra e trajnerit Carlo Ancelotti fitoi trofeun e dhjetë jubilar të kampionit të Evropës duke mposhtur në finale rivalin e qytetit Atletico Madrid.
Dhe, me skuadrën që ka në dispozicion, Real Madrid ka shanse të bëhet ekipi i parë që mbron titullin e kampionit në garën më të rëndësishme të klubeve evropiane.
Dhe, kjo do të nënkuptonte që arkat e klubit të pasurohen edhe më shumë.