Kandidatja për kryetare të Komunës së Mitrovicës së Veriut Adrijana Hodzic ka dënuar ashpër sulmin ndaj Krstimir Pantic’it, duke e thënë se persona të cilët qëndrojnë prapa këtij sulmi nuk ja dëshirojnë të mirën popullit të tyre.

“Ky akt ka kaluar çdo kufij. Akterët e sulmit nuk ua dëshirojnë të mirën qetarëve në pjesën veriore të Kosovës”, ka thënë Hodzic.

“Duhet që sa më shpejtë të gjenden autorët dhe të marrin dënimin e merituar. Ky sulm i bërë në këtë moment, mund të krijoj pasoja në proceset e mëtejshme, mund të ndikojë edhe në numrin e pjesëmarrësve në zgjedhje. Duhet që sa më shpjet të zbardhen arsyet e këtij sulmi”.

Nisma Qytetare “SDP-Oliver Ivanovic”, ka gjykuar në mënyrën më të ashpër sulmin ndaj kandidatit për kryetar nga radhët e Nismës Qytetare “Serbe”.

“Kërkojmë një angazhim maksimal nga Policia e Kosovës dhe EULEX në gjetjen e atyre të cilët e kanë kryer këtë dhe të gjitha sulmet tjera ndaj qytetarëve që janë të përfshirë në procesin zgjedhor dhe të cilët me angazhimin e tyre në këto zgjedhje, vazhdojnë politikën e Serbisë”, thuhet në deklaratën e subjektit politik të Oliver Ivanovic.