Janë bërë tre muaj që kur punëtoret teknike të Kuvendit kanë hyrë në grevë, të cilat kërkesë kishin rritjen e pagës nga 250 euro në 550 euro.

Por, sot pas tre muajsh greve, punëtoret teknike janë zëvendësuar me punëtore të reja, e kjo pa paralajmërim.

Grevistet nuk janë lejuar as të hyjnë brenda kuvendit në mëngjes, por nënkryetarja Saranda Bogujevci ua hapi derën duke i ftuar brenda në takim.

Ndërsa, të enjten e 14 nëntorit, Shefi i Kabinetit të Kryetarit të Kuvendit të Kosovës, Ilir Kërçeli në emisionin “Debat Plus”, lidhur me grevën e punëtoreve teknike ka thënë se prej disa javësh këto gra po keqpërdoren.