Prishtina do përballet me Llapin, derisa Dukagjini do takohet me Istogun, shkruan lajmi.net.

Ramadani thotë se këtë edicion nuk kanë pasur aspak fat në short, por beson që do e kalojnë edhe këtë vështirësi që të dalin në finale.

“Nuk kemi pasur fat aspak në shortin e Kupës që nga fillimi i saj e ku gjithmonë na kanë rënë ekipet më të forta të secilit raund, duke filluar prej 1/8 me Dritën, në çerekfinale me Feronikelin dhe tash në gjysmëfinale me Llapin”.

“Short, padyshim i vështirë dhe njëkohësisht finale para finales kryesore. Vlerësim maksimal për Llapin si ekip. E dimë që objektivi i dy skuadrave është kupa, por është mirë qe luhet me dy ndeshje dhe të shpresojmë që edhe këtë pengesë të vështirë ta kalojmë për të dalë në finale”, u shpreh ai për faqen zyrtare të Prishtinës.

Takimet e para zhvillohen me 7 prill, derisa kthyeset me 21 prill./Lajmi.net/