“Ata i kanë ofruar këtë duke thënë se do të marrin kohë procedurat ligjore. Por, Haradinaj nuk ka pranuar ndërsa ka kërkuar që pasaporta t’i kthehet me vendim të Gjykatës ashtu siç i është marrë”, ka thënë Ramadani për Klan Kosovën.

Haradinaj pritet të kthehet sonte pas mesnate nga Sllovenia nëpërmjet Aeroporti të Tiranës.

Ai ka folur edhe për deklaratat e liderit të tij partiak gjatë qëndrimit të tij në Slloveni, duke thënë se revolta e shfaqur përmes tyre, është e arsyeshme duke pasur parasysh rrethanat.

“Është e kuptueshme revolta e Haradinajt por edhe e jona, sepse është lëshuar nga një shtet që nuk ekziston. Haradinaj është ndër të vetmit që është dorëzuar dy herë në Hagë”, shtoi më tej Ramadani.