Eksperti i sigurisë dhe ish-kryeinspektori i AKI-së, Burim Ramadani, thotë se ‘ai beson se nuk ka kolaps energjetik’ por vetëm ‘është stisje për të përhapur panik në popull”.

“Nuk ka mosprodhim të mjaftueshëm, besoj unë, është neglizhencë e qëllimshme e ndërtuar qe sa kohë”, shtoi tutje Ramdani.

Ramadani tha se shteti ligjor duhet të veprojë.

Postimi i plotë i Ramadanit:

Kolapsi i stisur energjetik cenon direkt Sigurinë Kombëtare!

Nuk ka kolaps energjetik të vërtetë, besoj unë, është stisje për të përhapur panikë e mbajtur popullin nën trysni!

Nuk ka mosprodhim të mjaftueshëm, besoj unë, është neglizhencë e qëllimshme e ndërtuar qe sa kohë!

Një varg institucionesh të infrastrukturës kritike, përfshirë ato shëndetësore, mund të ndikohen direkt nga kolapsi energjetik i paralajmëruar.

Kështu populli ndihen nën panikë, kontrolluesit thellojnë veprimet, për qëllime që unë nuk mund të spekuloj!

Shteti Ligjor duhet të veprojë! Sa më shpejtë!

Kjo të jep përshtypjen e situatave të ngjashme që kanë bërë apo bëjnë regjime jodemokratike!