Me këtë retorikë të përdorur nga Bahtiri, Rakiq tha se thellohet ndarja dhe urrejtja në njërën anë, dhe në anën tjetër krijohet frikë, e cila kërcënon të shtyjë qytetin në një ndarje të re. 

\”Në vend të prishjes së parkut i cili ndodhet në pjesën veriore të Mitrovicës e që nuk është në kompetencë të tij, unë e ftoj z.Bahtiri që të ulemi në një tryezë në Mitrovicë, Beograd, Prishtinë apo edhe Bruksel dhe të biem dakord për ndërtimin e një vendi ku nesër do të luajnë së bashku fëmijët serb dhe shqiptarë”, ka thënë Rakiq, raportojnë mediat e Beogradit. 

Kryetari i komunës së Mitrovicës veriore tha se askush nuk duhet të luajnë me paqen e cila po mbretëron dhe është shumë e nevojshme. Ai ka ftuar Bahtirin të bëhet i fortë, e të mos kërcënoj me dhunë sikurse frikacakë, por të pranojë të ulen së bashku dhe të flasin për ndërtimin e së ardhmes. 

Serbët e Mitrovicës veriore, menjëherë pas largimit të barrikadës prej zhavori e cila qëndroi në urën mbi Ibër për muaj të tërë, kanë vendosur një barrikadë të re.

Kryetari i Komunës së re të banuar me shumicë serbe, po luan me kartën, kinse mbi urë po ndërton një park, të cilin po e quan Park të Paqes, e që në fakt nuk është asgjë më pas se sa një barrikadë e vjetër me pamje të re. (lajmi.net)