Qytetari izraelit është i pari që vritet në më shumë se një javë luftime midis ushtrisë izraelite dhe militantëve palestinezë, transmeton REL.

Ushtria ka njoftuar se civili 38-vjeçar ka qenë duke çuar ushqim për ushtarët në pikëkalimin Erez, kur është goditur nga mortaja.

Izraeli ka rinisur të martën sulmet ajrore në Gaza, pasi militantët e Hamasit e kanë shkelur armëpushimin e ndërmjetësuar nga Egjipti.

Një zëdhënës i ushtrisë izraelite ka thënë se pas një pauze prej gjashtë orëve, Izraeli “ka rifilluar aktivitetet operative”.

Mbi 190 palestinezë janë vrarë nga sulmet e Izraelit, ndërsa rreth 1,400 të tjerë janë plagosur.