Një qytetar nga Shtimja ka gjetur një portofol me dokumente dhe para në një qendër tregtare në fshatin Koshare.

Me këtë rast qytetari H.Bungu e ka dorëzuar portofolin në stacionin policor në Shtime.

“Pas verifikimit, portofoli rezultoi të ishte i M.B nga Shtimja. Policia kontaktoi pronaren, e cila erdhi në stacion për ta marrë portofolin. Dokumentet dhe shuma prej 233 euro dhe 1 dollar iu kthyen asaj me procesverbal”,thuhet në njoftim.

Drejtoria Rajonale e Policisë në Ferizaj ka shprehur mirënjohje për qytetarin që e ktheu portofolin në stacion policor./Lajmi.net/