Të dhënat e kësaj ankete tregojnë se 52 për qind e të anketuarve që konsiderojnë se qytetarët e Kosovës me gjasë po ndikohen nga grupet radikale fetare i përkasin grupmoshës 18 – 24 vjeç.

Qytetarët po ashtu janë pyetur edhe për opinionin e tyre lidhur me mundësinë që Kosova të bëhet cak i sulmeve terroriste.

Gjetjet tregojnë se një pjesë e madhe e qytetarëve të Kosovës “konsiderojnë se ka pak apo shumë pak gjasa që Kosova të behët objekt i sulmeve terroriste, megjithatë një pjesë e konsiderueshme e tyre prej 32.5 për qind e konsiderojnë si të mundshme që Kosova të bëhet cak i sulmeve terroriste”.

Këto rezultate janë bazuar në mostër të anketës me 1,306 qytetarë të Kosovës mbi moshën 18 vjeçare dhe ka përfshirë të gjitha komunat dhe rajonet e Kosovës, duke mbuluara zonat rurale dhe urbane, raporton RFE.

Po ashtu në këtë raport ka dal se pakënaqësi e qytetarëve me punën e institucioneve kryesore ka rënë në krahasim me raportin e publikuar në prill të këtij viti.

Vetëm 25 % e qytetarëve kanë deklaruar se janë të kënaqur me punën e legjislativit, ekzekutivit dhe gjyqësorit.

Niveli i kënaqëshmërisë në punën e institucioneve qendrore është ulur për 25 pikë të përqindjes.