Në ora 19:00, janë mbyllur qendrat e votimit në të gjitha Komunat e Kosovës.

Këto zgjedhje janë karakterizuar me numër të ulët të qytetarëve që kanë dalur për të votuar, shkruan lajmi.net.

Sipas publikimeve të fundit të KQZ-së, deri në mbylljen e qendrave të votimit për të ushtruar të drejtën e tyre për të votuar kanë dal 36,79% të qytetarëve në listën e votuesve apo gjithsej 720 mijë e 997 prej tyre.

Për dallim nga sot, në zgjedhjet paraprake që janë mbajtur më 28 dhjetor, kanë dal për të votuar 44,56% apo gjithsej 890 mijë e 850 votues.

Diferenca e votuesve mes zgjedhjeve të sotme dhe atyre të 28 dhjetorit është për 169 mijë e 862 votues.

KQZ tani vetëm se ka filluar edhe publikimin e rezultateve të para. Deri më tani janë numëruar 173 kuti të votimit apo gjithsej 6.93% të tyre, dhe këto janë rezultatet:

-VV: 36.22%

-PDK: 21.84%

-LDK: 16.26%

-AAK: 10.08%. /Lajmi.net/