Obama e hodhi poshtë sugjerimin se z. Putin është një “mjeshtër shahu” që ia hodhi Shteteve të Bashkuara dhe aleatëve të tyre perëndimorë në betejën territoriale në Ukrainë, raporton Zëri i Amerikës.

Sipas tij, Putin aktualisht po përballet me “dështimin e monedhës së vendit, një krizë madhore financiare dhe një tkurrje masive ekonomike”.

Problemet financiare të Rusisë janë pasojë e një sërë sanksionesh që Shtetet e Bashkuara dhe Bashkimi Evropian i vendosën pas aneksimit të pjesëve të Ukrainës lindore, në fillim të vitit. Putin ka vazhduar të mbajë një qëndrim sfidues, pavarësisht nga një recesion i pritshëm, shkaktuar nga rënia e çmimeve të karburantit dhe një rënie prej 40 për qind të vlerës së rublës.