Një incident fizik është raportuar të ketë ndodhur në ambientet e Qendrës Emergjente në Mitrovicën e Jugut, ku një punonjës shëndetësor është sulmuar nga një qytetar pas një fjalosjeje.

Sipas raportit të Policisë së Kosovës, ankuesi një mashkull kosovar – ka deklaruar se gjatë kryerjes së detyrës së tij në emergjencë, ka pasur një debat verbal me një qytetar rreth një trajtimi mjekësor.

Konflikti verbal ka eskaluar në dhunë fizike, ku i dyshuari, po ashtu mashkull kosovar, ka sulmuar fizikisht viktimën, raporton lajmi.net

Viktima ka marrë ndihmën e nevojshme mjekësore pas sulmit, ndërsa i dyshuari është shoqëruar nga policia. Pas intervistimit, me urdhër të prokurorit, ai është liruar në procedurë të rregullt.

Policia po heton rrethanat e këtij rasti, i cili është cilësuar si “sulm trupor”./Lajmi.net/