Publikohet filmi i shkurtër ku luan mesfushori Granit Xhaka
Kapiteni i Zvicrës, Granit Xhaka, dhe sulmuesi Zeki Amdouni kanë bërë një hap të veçantë jashtë fushave të futbollit, duke debutuar si aktorë në filmin e shkurtër “The Socceritos”. Komedia me tematikë western, e publikuar në platforma të ndryshme përfshirë YouTube, i sjell dy futbollistët zviceranë përkrah legjendës së kinematografisë, Terence Hill, i cili në…
Sport
Kapiteni i Zvicrës, Granit Xhaka, dhe sulmuesi Zeki Amdouni kanë bërë një hap të veçantë jashtë fushave të futbollit, duke debutuar si aktorë në filmin e shkurtër “The Socceritos”.
Filmi, me kohëzgjatje prej afro 20 minutash, është realizuar për të rritur entuziazmin e publikut zviceran para Kupës së Botës, e cila zhvillohet nga 11 qershori deri më 19 korrik. Prodhimi përmban referenca të shumta ndaj filmave klasikë western që kanë bërë histori në kinematografi.
Përveç Xhakës, Hill dhe Amdounit, pjesë e kastit është edhe futbollistja kroate Ana Maria Marković, e cila është rritur në Zvicër dhe gëzon popullaritet të madh në futbollin evropian.
Premiera e filmit u mbajt të mërkurën në Cyrih, ku Granit Xhaka u shpreh i entuziazmuar për këtë përvojë të re, duke shtuar një kapitull të veçantë në karrierën e tij, kësaj radhe larg fushës së blertë dhe para kamerave.
