“Pse të njihet Palestina e jo edhe Kosova?” – Ish-lideri katalunas Puigdemont godet kryeministrin e Spanjës
Puigdemont në një video në platformën ‘X’, ka pyetur se përse Spanja ka vendosur ta njohë Palestinën e jo edhe Kosovën, “vend me të cilin Bashkimi Evropian ka marrëdhënie diplomatike”. Ish-lideri që udhëhoqi referendumin në Katalonjë, Carles Puigdemont, ka theksuar se Spanja po përdorë standarde të dyfishta, pasi kryeministri Pedro Sanchez ka njoftuar se do…
![](https://lajmi.net/wp-content/uploads/2024/05/0505.png)
Lajme
Puigdemont në një video në platformën ‘X’, ka pyetur se përse Spanja ka vendosur ta njohë Palestinën e jo edhe Kosovën, “vend me të cilin Bashkimi Evropian ka marrëdhënie diplomatike”.
Ish-lideri që udhëhoqi referendumin në Katalonjë, Carles Puigdemont, ka theksuar se Spanja po përdorë standarde të dyfishta, pasi kryeministri Pedro Sanchez ka njoftuar se do ta njohin shtetin e Palestinës.
“Spanja ka njoftuar se do ta njohë shtetin e Palestinës në mes të një konflikti të armatosur që po trondit botën dhe mund të duket se shteti spanjoll është bërë tani mbrojtës i së drejtës të vetëvendosjes së popujve si mekanizëm për zgjidhjen e konflikteve. Një qëndrim që shumica e katalanasve e kanë mbrojtur gjithmonë. Por jo, nuk është kështu. Në fakt, Spanja është një nga vendet e pakta të Bashkimit Evropian që ende nuk e njeh Pavarësinë e Kosovës. Nuk ia njeh të drejtën evropianëve të Kosovës që të vendosin lirisht për të ardhmen e tyre, pavarësisht se Bashkimi Evropian tashmë ka marrëdhënie diplomatike me ta”, ka thënë Puigdemont në një video të postuar në “X”.