Një nga protestuesit në Tiranë ka kërkuar dorëheqjen e kryeministrit shqiptar, Edi Rama, duke deklaruar se plotësimi i kërkesave të protestuesve nis me largimin e tij nga detyra.

Protestuesi ka theksuar se dorëheqja e Ramës është e mjaftueshme për përmbushjen e kërkesave të tyre, ndërsa i ka bërë thirrje kryeministrit që të largohet nga Shqipëria, raporton lajmi.net

Protestat në Shqipëri po vazhdojnë prej disa ditësh, me pjesëmarrjen e nxënësve, studentëve dhe të rinjve, të cilët po shprehin pakënaqësitë e tyre për kostot e arsimit dhe korrupsionin, si dhe po kërkojnë largimin e kryeministrit Edi Rama./Lajmi.net/