Një numër i vogël i qytetarëve, kanë protestuar në mënyrë paqësore në sheshin e Prishtinës, kundër sistemit të tanishëm politik, me moton “ Çu!, Protesto se ki arsye”.

Këta qytetarë me iniciativë të Mejdi Ramadanit, kanë dal në këtë protestë duke i ftuar të gjithë qytetarët që të iu bashkohen për të kundërshtuar shumë dukuri të këqija që Qeveria po i sjellë popullit të Kosovës.

Organizatori i kësaj proteste, Mejdi Ramdani, ka thënë se kjo protestë, nuk e ka për qëllim të kundërshtoj partitë politike, por, sipas tij, qëllimi i tyre është të kundërshtojnë sistemin e tyre politik dhe se, përmes kësaj, proteste dëshirojnë të lënë gjurmë te njerëzit se kjo është zgjidhja e vetme e vendit tonë.

“Nuk përfaqësojmë asnjë parti, asnjë lëvizje politike, domethënë shkurt e shqip jemi kundër sistemit politik.. Domethënë arsye ka plot, është korrupsioni, është sistemi i arsimit që është tmerrues, sistemi në shëndetësi, domethënë edhe njëra prej arsyeve është ikja e të rinjve që nuk po kanë shpresë me jetuar  në vendin e tyre me punuar, pra po shohin si zgjidhje ikjen nga vendi”, tha Ramdani.

“Zgjidhja e vetme mendoj që është protesta, nuk e kundërshtojmë asnjë parti, se tek e fundit ne i kemi përzgjedhë ata, e kundërshtojmë sistemin e tyre, domethënë nëse kanë korruptuar deri tash, po iu themi stop, s’ka më me korrupsion. Nëse nuk na kanë siguruar vende të reja të punës, po lypim punë e kështu me rradhë”, është shprehu Ramdani.

Mejdi Ramadani, nuk është hera e parë që po proteston, me 1 maj të këtij viti, ai ka protestuar i vetëm para Qeverisë, duke kërkuar punë.

(KosovaPress)