Policia serbe ka ndaluar sot për disa orë qarkullimin e autobusëve nga Kosova që po vinin nga perëndimi, në kufirin Kroaci-Serbi.

Disa prej udhëtarëve janë nxjerrë nga autobusët dhe janë marrë në pyetje në një dhomë afër kufirit.

Për lajmi.net ka folur pronari i kompanisë turistike “Zhitia”, Gazmend Zhitia i cili ka dhënë informacione për ngjarjen.

“291 udhëtarë i kemi pas gjithsej, 21 prej tyre janë intervistuar. Ku jeton, çka punon e pyetje të tilla. E kanë intervistu edhe një djalosh të lindur në vitin 2004 e kanë pyt çka dinë për luftën”, ka thënë Gazmend Zhitia.

Udhëtarët tani janë liruar dhe kanë vazhduar rrugën për Kosovë, ndërsa Ministria e Punëve të Brendshme ka njoftuar se edhe pesë pjesëtarë të Policisë së Kosovës janë ende duke u marrë në pyetje.

Video: