Prokuroria Themelore në Prizren ka urdhëruar bllokimin e 42 pronave, me vlerë rreth 3 milionë euro, në kuadër të një hetimi për falsifikim dokumentesh dhe mashtrim.

Sipas Prokurorisë, rasti lidhet me përfitim të kundërligjshëm dhe pengim të kthimit të pronave te pronari i ligjshëm.

Tre persona janë nën hetim, ndërsa dy prej tyre ndodhen nën masa sigurie, ndërkohë që pas përfundimit të procedurës, pronat pritet t’i kthehen të dëmtuarit.