Prokurori Matt Halling ka hedhur dyshime mbi besueshmërinë e dëshmitarit Sokol Bashota, i cili është përdorur nga mbrojtja për të dëshmuar lidhur me përfshirjen e Hashim Thaçit në Shtabin e Përgjithshëm të Ushtrisë Çlirimtare të Kosovës (UÇK).

Halling tha se provat e paraqitura nga mbrojtja për të treguar se Thaçi u kyç në Shtabin e Përgjithshëm në nëntor të vitit 1998 burojnë ekskluzivisht nga dëshmia e Bashotës. Ai shtoi se kjo dëshmi është e kontradiktë dhe vërtetohet nga një numër i madh provash, përfshirë edhe deklarimet e vetë Thaçit rreth funksionimit të brendshëm të Shtabit, si dhe prova të tjera shtesë, shkruan lajmi.net.

“Dëshmia e tij kontradiktohet nga një mal provash, duke përfshirë vetë përshkrimin e Hashim Thaçit për punimet e brendshme të Shtabit të Përgjithshëm para këtij periudhe dhe prova shtesë”, tha prokurori.

Halling gjithashtu shtoi se nuk është e qartë nëse edhe mbrojtja e Thaçit e beson dëshminë e Bashotës në këtë pikë. “Provat e dhëna nga Sokol Bashota nuk mund të konsiderohen të besueshme për këtë aspekt. Kjo tregon se besueshmëria e tij duhet shqyrtuar me kujdes, pasi duket se ka qenë në favor të të akuzuarve”, tha prokurori.

Ai theksoi gjithashtu se ka prova që tregojnë se Hashim Thaçi ishte një prej themeluesve të UÇK-së, një fakt që ishte përmendur edhe nga Azem Syla në një deklaratë publike. Përveç Thaçit, themelues të tjerë të UÇK-së ishin edhe tre të akuzuar të tjerë, sipas prokurorit. /Lajmi.net/