Prishtinë, shtyllat e energjisë nëpër ballkone të objekteve kolektive
Shtyllat e energjisë elektrike të stërngarkuar me tela po rrezikojnë jetën e shumë njerëzve në kryeqytet. KEDS thotë se do rregullohen, por nuk din kohë kur dhe as mënyra se si do të evitohet rreziku.
Lajme
Rrugët në lagjet përreth parkut të qytetit në Prishtinë, pas ndërtimeve të shumta e veçanërisht objekteve të banimit kolektiv, kanë bërë që ballkoni i disave prej tyre të jetë ngjitur me këto shtylla, të cilat aq shumë tela mbanë saqë ekziston frika edhe të kalosh andej pari.
Rrugët ‘Gystav Mayor’, ‘Halil Alidemaj’ e ‘Mustafa Kruja’ afër Parkut të qytetit, janë të ‘përmbytura’ nga telat e energjisë elektrike.
Ato vërehen në çdo cep të këtyre rrugëve e të cilat janë edhe të lidhura mjaftë poshtë.
E për të rregulluar këto shtylla e edhe telat e energjisë elektrike, në mënyrë që të sigurohet jeta e banorëve në këto rrugë, deri më tani nuk janë kujdesuar as KEK-u, e tani më as KEDS-i.
Ndërsa, Guri Shkodra, zëdhënës i KEDS-it, ka thënë për KosovaPress se KEDS-i ka arritur planin për ndryshim dhe përmirësim të rrjetit elektrik, por sipas tij, nevojitet kohë, pasi që në ato lagje dhe në disa të tjera, rrjeti është mjaft i vjetër.
Se si do rregullohet ky rrjet, a do vendosen shtylla të reja elektrike, ose ku do jenë të vendosur telat e energjisë elektrike, Shkodra tha se janë ekspertët të cilët do vendosin për një gjë të tillë.