Një grua ka denoncuar në Polici një rast të dyshuar të vetëgjyqësisë në Prishtinë, duke pretenduar se i janë larguar sendet personale nga banesa ku po jetonte.

Sipas raportit 24-orësh të Policisë së Kosovës, rasti ka ndodhur më 5 gusht 2026, rreth orës 18:30, shkruan lajmi.net.

“Ankuesja femër kosovare ka raportuar se derisa ka jetuar në banesën e të dyshuarës femër kosovare, kjo e fundit ia kishte larguar gjithë rrobat e ankueses dhe fëmijëve të saj nga banesa”, thuhet në raportin policor.

Për rastin është njoftuar prokurori kompetent, ndërsa hetimet janë në vazhdim.

“Lidhur me rastin është njoftuar prokurori, rasti është nën hetime”, bën të ditur Policia e Kosovës. /Lajmi.net/