Kanë përfunduar dy ndeshje në kuadër të Superligës së Kosovës.

Prishtina – Drenica përfundoi 0:1 , ndërsa Dukagjini – Trepça ’89 u mbyll 1:0, përcjell lajmi.net.

Në stadiumin “Fadil Vokrri”, Prishtina pësoi humbje e radhës, këtë herë nga Drenica.

Golin e vetëm e shënoi Ermal Veliqi, i cili qysh në minutën e 3’ të ndeshjes kalon Drenicën në epërsi prej 1:0.

Në pjesën e dytë vendasit po kërkonin të barazonin shifrat, por nuk arritën.

Me këtë humbje kryeqytetasit  kanë 23 pikë në vendin e tretë, kurse Drenica shkon në kuotën e 20 pikëve në pozitën e pestë.

Ndërkaq, krahas Prishtinës e Drenicës u zhvillua edhe ndeshja tjetër mes Dukagjinit dhe Trepçës ’89, ku pas 45’ minutave lojë, në stadiumin “18 qershori” u mbyll pa gola.

Mirëpo, në pjesën e dytë Dukagjini kaloi në epërsi, më anë të Iljas Zulfiu.

Me fitoren e marrë sot Dukagjini shkon në kuotën e 18 pikëve, në vendin e shtatë, kurse Trepça ’89 ka 15, në pozitën e nëntë./Lajmi.net/