Presidentja e Republikës së Kosovës, Vjosa Osmani, ka zhvilluar sot një takim në Departamentin e Shtetit në Washington D.C. me Ndihmës Sekretarin e Shtetit në detyrë, Brendan Hanrahan.

Gjatë takimit, Osmani dhe Hanrahan ritheksuan përkushtimin për thellimin e partneritetit strategjik ndërmjet Kosovës dhe Shteteve të Bashkuara të Amerikës, transmeton lajmi.net

“Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë,” u shpreh Presidentja Osmani pas takimit.

Ajo nënvizoi gjithashtu rëndësinë e marrëdhënieve të qëndrueshme dhe afatgjata me SHBA-të, duke theksuar se “Kosova qëndron krah për krah me Shtetet e Bashkuara në vlera, në vizion dhe në veprim.”

Ky takim vjen në kuadër të përpjekjeve të vazhdueshme të Kosovës për forcimin e aleancave ndërkombëtare dhe rritjen e bashkëpunimit bilateral me partnerët strategjikë.

Komunikata e plotë: 

Presidentja Osmani takoi Ndihmës Sekretarin e Shtetit në detyrë, Brendan Hanrahan

Presidentja e Republikës së Kosovës, Vjosa Osmani ka takuar sot në Washington D.C., Ndihmës Sekretarin e Shtetit në detyrë, Brendan Hanrahan.

Presidentja Osmani ka shkruar:

Në Departamentin e Shtetit në Washington D.C., takova Ndihmës Sekretarin e Shtetit në detyrë, Brendan Hanrahan, me të cilin ritheksuam përkushtimin tonë për thellimin e partneritetit strategjik midis Kosovës dhe Shteteve të Bashkuara.

Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë.

Qëndrojmë krah për krah me SHBA-të në vlera, në vizion dhe në veprim./lajmi.net/