Të Infektuar: 4931

Të Shëruar: 2267

Të Vdekur: 102

Presidenti Thaçi telegram ngushëllimi me rastin e vdekjes së Shahindere Bërlajolli-Stafai

12:46 | 3 Maj 2020

Presidenti Thaçi ka shprehur ngushëllime me rastin e vdekjes së këngëtares së njohur.

Mëngjesin e sotëm ka ndërruar jetë këngëtarja e mirënjohur shqiptare, Shahindere Bërlajolli-Stafai, shkruan lajmi.net.

Me këtë rast, presidenti i Kosovës, Hashim Thaçi ka shprehur ngushëllime nëpërmjet një postimi në llogarinë e tij në Facebook.

“Me dhimbje mora lajmin për ndarjen nga jeta të këngëtares së njohur, Shahindere Bërlajolli. Ajo me dekada dha kontribut për pasurimin e thesarit të këngës shqipe dhe është vlerë e madhe për trashëgiminë tonë kulturore. Vdekja e saj është një humbje e madhe për të gjithë, prandaj u shpreh ngushëllimet më të sinqerta familjes, artdashësve dhe gjithë të afërmve të saj. HTH”, ishin fjalët e tij./Lajmi.net/

Me dhimbje mora lajmin për ndarjen nga jeta të këngëtares së njohur, Shahindere Bërlajolli. Ajo me dekada dha kontribut…

Gepostet von Hashim Thaçi am Sonntag, 3. Mai 2020