Presidenti në shkuarje i SHBA-së, Joe Biden, ka mirëpritur në jetë stërnipin e tij të parë, pasi mbesa e tij Naomi Biden u bë nënë e një djali.

Biden tani zyrtarisht është edhe stërgjysh, derisa lajmin e ëmbël e bëri të ditur vetë ai në një konferencë shtypi për çështjen e zjarreve në Los Angeles.

“Lajmi i mirë është që nga sot jam stërgjysh”, pohoi presidenti amerikan.

Bashkëshortja e Bidenit, apo Zonja e Parë, Jill po ashtu ndau lajmin e ëmbël përmes një postimi në Instagram.

Ajo gjithashtu ndau një fotografi të saj dhe presidentit amerikan, duke mbajtur në dorë stërnipin e tyre.

“Jemi krenarë t’ju prezantojmë stërnipin tonë, William Brannon Neal, IV”, shkroi Jill Biden.