Policia e Kosovës i konfiskon një dron politikanit serb në veri, Aleksandar Arsenijeviq.

Konfiskimin e dronit për lajmi.net, e ka konfirmuar Zëvendësdrejtori i Policisë për rajonin e Veriut, Veton Elshani.

Ndryshe për këtë veprim Arsenijeviq është shoqëruar në stacionin policor, ku droni edhe është dorëzuar në Agjencinë e Aviacionit.

“Po droni është konfiskuar. Ne njoftojmë Agjencinë e Aviacionit Civil me raporte dhe mandej pas rekomandimit/vendimit edhe veprojmë”, ka thënë Elshani.

I njëjti dyshohet se  e ka lëshuar dronin pa autorizim në zonën e ndaluar për incizim në Jasenovik ku është duke u ndërtuar një bazë e re e stacionit të Policisë së Kosovës.   /Lajmi.net/