Policia e Kosovës ka shpallur në kërkim një grua të dyshuar për veprën penale “Vjedhje”, e cila dyshohet se ka ndodhur më 6 janar 2026 në një qendër tregtare në Ferizaj.

Sipas njoftimit zyrtar, shpallja në kërkim është bërë me autorizim të prokurorit të shtetit nga Prokuroria Themelore në Ferizaj. Për të lehtësuar identifikimin dhe kapjen e saj, autoritetet kanë publikuar edhe fotografinë e të dyshuarës.

Policia u bën thirrje qytetarëve që çdo informacion lidhur me vendndodhjen e saj ta raportojnë, duke garantuar konfidencialitet të plotë. Informacionet mund të dërgohen përmes emailit në [email protected] ose duke kontaktuar numrat e telefonit 192 dhe 0800 19 999.

Rasti është duke u hetuar./lajmi.net/