Sektori i Hetimeve të Kryeqytetit, me autorizim nga prokuroria kompetente, ka kërkuar bashkëpunimin e qytetarëve për identifikimin e disa personave të dyshuar për përfshirje në veprën penale “Vjedhje”.

Policia e Kosovës ka publikuar fotografitë e të dyshuarve, të cilët shihen në pamje dhe dyshohet se janë të përfshirë në rastin në fjalë. Autoritetet u bëjnë thirrje qytetarëve që posedojnë informata të dobishme, të cilat mund të ndihmojnë në identifikimin ose lokalizimin e tyre, të bashkëpunojnë me organet e rendit, transmeton lajmi.net.

Të gjithë ata që kanë njohuri lidhur me identitetin apo vendndodhjen e personave të dyshuar, luten të kontaktojnë Policinë e Kosovës përmes numrit emergjent 192 ose përmes adresës elektronike [email protected].

Policia garanton konfidencialitet të plotë për të gjithë qytetarët që ofrojnë informata relevante.