Këtë e ka bërë të ditur për lajmi.net zëdhënësja e Policisë së Kosovës, Flora Ahmeti, e cila ka njoftuar se të arrestuarit për momentin janë duke u intervistuar në stacionin policor.

“Rreth orës 11 e 30 ka filluar një protestë para Qeverisë, saktësisht në sheshin Skënderbeu në Prishtinë, ku kanë marr pjesë rreth 50 persona”.

“Protesta është organizuar nga organizata për mbrojtjen e të drejtave të veterinave të UCK-së, dhe fillimisht ajo ka qenë e qetë, ndërsa rreth orës 12 e 10 veç ka filluar të jetë e dhunshme”.

“Është thyer dera e oborrit të objektit të Qeverisë, një kabinë e policisë që është aty, po ashtu është dëmtuar dhe një automjet që ka qenë brenda i parkuar në oborr të qeverisë”.

“Pas shpërndarjes së protestuesve, policia i ka arrestuar dhjetë protestues të dhunshëm”.

“Të njëjtit ende gjenden në intervistim brenda objekteve policore”./lajmi.net/