Polica e Kosovës ka mohuar lajmin i cili sot u raportua në disa portale se në Prishtinë kishte tentim për kidnapim të një vajze të vogël.

Agron Sadriu zëdhënës i Policisë në rajonin e Prishtinës thotë se ngjarja nuk kishte të bënte aspak me kidnapim, por thjesht prindi i vajzës dëshironte ta takonte të bijën e tij.

“Nuk është e vërtet ajo çfarë po kumtohet nga portalet e ndryshme, që është tentuar të kidnapohet një vajzë e vogël, prindi i saj ka bërë vetëm shkelje të vendimit të gjykatës ku i thuhet se vetëm dy herë në javë mund ta takojë vajzën e tij. Ai vetëm ka tentuar që ta takojë të bijën asgjë më shumë”, ka thënë Sadiku.