Një aksident tragjik në mes të një motoçiklete dhe veture la të vdekur dy persona, të dielën në Shirokë të Suharekës.

Vesel Gashi, zëdhënës i Policisë së Kosovës për rajonin e Prizrenit ka dhënë informacione për viktimat.

Bëhet fjalë për P.G i lindur në vitin 2004 dhe B.H i lindur në vitin 1993. Viktimat janë nga Prizreni – ata ishin në motoçikletë.

Më herët, drejtori i Policisë së Kosovës për rajonin e Prizrenit, Faton Aliu, ka treguar se shoferi i veturës pasi mori trajtim mjekësor është dërguar në mbajtje për 48 orë.