“I lodhur por i gëzuar, kemi kapur terroristin mbrëmë në Leipzig” ka thënë policia.

Policia ishte në kërkim të dyshuarit, sirianit Jaber al-Bakr.

Disa qindra gramë eksploziv janë gjetur në pronën e të dyshuarit, kanë thënë hetuesit.

Mediat gjermane bënë me dije se tre persona të tjerë kanë rënë gjithashtu në pranga, pasi dyshohet se kanë pasur lidhje me Jaber al-Bakr dhe mund ta kenë ndihmuar në planin e tij.

Policia gjermane është treguar e kursyer në detaje për shkak të hetimit që vazhdon, por, sipas mediave, i dyshuari ishte në hapat finalë të komplotit të tij terrorist dhe autoritetet nuk mund të prisnin, pasi ai duhej ndalur./ Top Channel